孕婦能不能養寵物呢？

我諗呢個問題係華人社會討論到天黑都係會有兩極立埸。
其實係外國大部份家庭都有養寵物，但係佢地好似冇因為養寵物生育率下降WO！

寵物身上有細菌會令孕婦流產？

細菌係無處不在，寵物身上既細菌一般都係常見既品種，難道孕婦要在無菌室生活十個月！？

接觸到弓形蟲會令胎兒畸形或死胎？

弓形蟲其實各種小動物&家禽&魚類都有可能感染。除了動物，有很多人都都感染過弓形蟲，正常人感染弓形蟲多數都係輕微感冒症狀。
事實上食生肉(魚生,半生熟牛羊 / 打邊爐未完全熟的肉)比貓狗更容易感染弓形蟲！

懷孕期間如何預防弓形蟲感染？

1 - 懷孕前應該做身體檢查，如果身體正在感染弓形蟲就不適合懷孕。如果未感染過的話就代表沒抗體，咁就要注意以下幾點！
2 - 帶毛孩去抽血化驗，看它們有沒有感染弓形蟲。
3 - 不要讓毛孩亂食野，以免吃到污染既食物。
4 - 要喂熟食和狗糧，不能用生肉喂毛孩，不要把毛孩盛食物既碗同其他東西放埋一齊。
5 - 毛孩既便便和食盤應該每天最少清理一次，這個必須由家人來進行。

夏日炎炎,毛孩爸媽都會幫佢地剷毛散熱，但其實剷毛都要睇你毛孩係咩犬種，對於雙層披毛既品種剷毛後可能會 ！不再長毛！，而披毛剷得過短更可能令皮膚敏感，毛爸毛媽決定前一定要考慮清楚！
今日同大家講下松鼠，經驗所得十隻松鼠剷毛有兩隻都生唔番毛，就算生得番毛都有可能變粗變硬難以造型。

剷毛後不再長毛既原因:

1 - 剷太貼易敏感
如果用了不適當既刀頭，令毛髮太短，有可能令毛孩皮膚敏感而不長毛。剷毛後皮膚痕癢，應用頭罩阻止狗隻抓或咬皮膚，以免造成傷口感染，情況嚴重的話要看獸醫。

2 - 刀頭變鈍
寵物店一日剷咁多毛孩，刀頭其實好易變鈍，經驗不足既美容師剷雙層披毛既松鼠時，就會用刀拉扯引致毛孔受傷。狗狗毛髮受拉扯就會令毛髮變粗變硬，嚴重者會不長毛。

3 - 刀頭過熱
刀頭長期使用就會變得非常熱，當用過熱刀頭剷毛時就會燙傷。

4 - 剷損皮膚
特別容易剷傷既部位包括大腿內側、頸及耳朵邊緣等，握電剷的角度不正確，隨時會令嬌嫩皮膚受傷。

如果驚毛孩熱可考慮為毛孩剪短毛裝而非將毛全剷掉。再題一次毛爸毛媽決定前一定要考慮清楚！

香港既天氣又濕又熱，連人都好易有皮膚病啦，
更何況我地深愛既毛孩>3<"
皮膚病其實處理得唔好手尾都幾長，所以今日同大家講下如何儘早發現！

皮膚病早發現既話，係未變得嚴重之前搞掂佢，
就可以避免變成慢性皮膚病，影響毛孩日常生活。
其實主人們平日梳先D毛~就容易發現毛孩有冇異樣啦！

★皮膚病初期

- 搔癢
經常用腳去搔抓身體、咬發癢既部位、用身體去磨地面

- 膚質
皮膚變得黏黏油油或非常乾燥，而且發癢既位置比平常體溫再高D

- 膚色
皮膚會出現一點點紅班、全身皮膚發紅、皮膚出現發黑既現象(色素沈積)、大量皮屑

- 味道
皮膚帶有比平常重既體味，簡單黎講就係沖完涼冇耐又好臭

- 行為
狗狗變得不喜歡被接觸有皮膚既地方

輕微既皮膚病可以透過沖涼解決>.~
情況嚴重就帶毛孩及早求醫啦
如果有主人唔識點梳毛，可以睇番之前既POST咖 ^^~

近排天氣又熱又潮濕，各位主人都唔想出街啦。但係眼見自己既毛孩又想去街街，唯有咁熱都照樣去啦。
但係主人們要主意啊，要小心毛孩中暑喔！

狗狗點解會中暑呢？

- 係強烈既陽光下快跑 或 玩耍同埋冇飲足夠既水
- 大熱天時被留在車裡，因為車子裡溫度可能會升到攝氏60度
- 短鼻犬種，尤其是鬥牛犬，巴哥‧‧‧‧‧‧
- 患影響順暢呼吸的心臟或肺臟疾病

主人點留意毛孩係咪中暑？

- 狗狗大量喘氣 或 呼吸困難
- 舌頭鮮紅
- 牙齦蒼白
- 口水濃而黏稠
- 心跳加速
- 變得虛弱及搖搖晃晃
- 累倒在地上不願意走動
- 抽搐 因為腦部出血及水腫造成抽搐 或 昏迷

如果發現狗狗中暑應該點算呢？

應該馬上用常溫或較冷既水噴係毛孩身上(避免用有冰塊的水，因為冰塊水會壓縮狗狗既血管，令狗狗身體會更難降溫)，咁做可以幫毛孩既身體降溫，並且帶狗狗到陰涼處。
如果有風扇仔就即刻開比佢啦，同埋記住比水佢地飲啊！
如果情況嚴重到休克昏迷，咁就馬上帶毛孩到最近既獸醫度啦。

預防中暑方法：

- 避免係最熱既時候帶狗狗散步或跑步。散步時間最好係早晨、黃昏或晚上。
- 確保毛孩隨時都有水可以飲。飲水可以讓動物有能力降溫喔。
- 盡量唔好留狗狗係車入面，如果一定要既話，最好開番小小窗比你地啦。
- 可以係狗袋放一塊涼墊，咁狗狗就爽哂啦。

最後題題大家~記得做好防跳蚤牛蜱既預防操施啊！

深愛毛孩既你地點會忍到手唔比雜食佢地呢？
咁就麻煩啦！好多狗狗都係好聰明既，食完好味既野就會記得，原來有D比起糧既野更好味既。加上雜食多左冇咁易肚仔餓，狗狗就慢慢唔食糧等你比D"好野"佢食。
主人眼見狗狗唔食糧，點會忍心睇住狗仔"唔食野"呢？
呢個時候狗狗奸計得逞啦 =v=+
主人就會開始用濕糧、零食、雞肉.......加入糧入面比狗狗食啦。
狗狗愈食愈嘴饞，重始糧只係"吊命"用，非必要都唔會食糧啦。

解決辦法：就係停哂所有零食雜食，每日都要按時餵糧，要狗狗係一定既時間內食哂D糧(20-30分鐘內)
食唔哂就收起去，等第二餐先有得再食。期間除左水之外咩都唔可以食，如是者狗狗會開始肚餓同時又
會知道除左糧之外就冇野食，狗狗就會開始食幾粒比下面你，睇下你會唔會再比番零食佢，但係要狠下
心腸唔好比零食佢。直到狗狗回復番正常飲食習慣先可以有小量零食。

狗狗變嘴饞多數都係節日後或BB既時候喔！

想小朋友毛髮柔滑亮麗？其實除左食補給品之外，沖涼都好重要。有好多主人都會幫自己狗狗沖涼，但係又唔知點簡沖涼液，點算好呢？

沖涼液種類同牌子都太多，所以主要分為三大類

-功能性沖涼液

(1)去油沖涼液

有冇試過狗狗沖完之後都仲係好油好似唔乾淨咁呢？有d狗狗因為飲食問題油脂分泌會較多，一般既沖涼液就幫唔到呢類狗狗。
去油沖涼液沖出黎既毛髮會乾身，除左油脂多既狗狗之外，鋼毛類既狗狗都可以用。

(2)薘鬆沖涼液

故明思義沖完出黎會薘鬆啦，但係唔好忽略一點，沖完都係要梳理先薘鬆咖。
適合如：貴婦、比熊

(3)柔順沖涼液

沖完出黎柔順貼服，適合一d毛髮本身乾燥既狗狗，加上護先素就更好。
適合如：臘腸狗、約瑟

(4)白毛、黑毛

沖完白變白黑變黑，通常都要稀釋先用得，但係對付淚痕問題就可以用濃縮既白毛或黑毛沖涼液啦。
適合：原色係黑白毛既狗狗

(5)香味沖涼液

沖完會係比較香，但係好多時候都係有香精，所以主人選擇既時候要考慮狗狗有冇敏感啦。

-藥性沖涼液

通常都係用黎針對皮膚病，真菌、細茵及酵母茵感染既皮膚病 如：金錢癬、皮膚菌病
能抑制及殺死皮膚表面的真菌、細菌，有效治療真菌及細菌感染皮膚病所引致既發炎症狀，如：紅腫及痕
除此之外都有專門殺跳蚤既藥性沖涼液，免得跳蚤再次上狗狗身，同樣有止痕作用

藥性沖涼液多數都頂搓柔毛髮至產生泡沫，讓泡沐停留在毛髮5-15分鐘不等。
★建議必要時才使用，因為長期使用都會令狗狗皮膚乾燥而帶來反效果

-天然沖涼液

選用天然草本製成既沖涼液，多數都係低敏感都有止痕作用，有d仲可以入眼都唔怕。

-護毛素

護毛素可以滋養乾燥披毛，令披毛更柔順易梳，同時可減少梳理時的靜電。

平日梳理既時候可以用埋護毛噴霧，只要有足夠打理，所有狗狗都可以好靚咖！

無論大狗定細狗都好多機會有關節問題，您既狗狗有冇試過行路拐拐下或者跳唔倒上床呢？
如果有就要多加留意，狗狗可能患上關節炎、髖關節發育不良、膝蓋骨脫臼等關節病。

大型犬通常患上髖關節發育不良症，這種疾病會遺傳比下一代，所以主人唔好睇佢地骨粗就掉以輕心。
小型犬最容易就係膝蓋骨脫臼，由其貴婦、松鼠、約瑟爹利、芝娃娃呢D活躍好動既狗狗，一日跳到黑難免會受傷。

所以作為主人應該未雨綢繆，幫狗狗強化好關節，狗狗老來都唔會成日訓係度。
主人唔想狗狗開刀接皮肉之苦，所以有好多保健產品可以選擇。
坊間有好多種關節保健產品，有水劑、粉劑、粒狀、膠囊、肉粒、油劑等等，主人應該點簡好呢？

接下來就介紹下有咩類型既產品：

-天然草本

選用有機或野生原材料，不含農藥或有害物質，原由係提供充足既營養成份，高效抗氧化，減輕關節痛症。如果配合魚油及葡萄糖氨成效會更加好。
★適合輕微關節問題及保健/不宜接受任何手術治療既寵物

-中藥成份

從中醫既角度，補血益氣和關節周圍保持血暢順及預防，協助在健康關節間連接的膠囊暢順作運滑液存量，可以有效改善關節問題。
★適合輕微至中度關節問題及保健/不宜接受任何手術治療既寵物

-初乳精華液

製造單細胞增強免疫系統、骨骼、關節同肌肉健康，提升寵物既自癒能力
★適合輕微至中度關節問題及保健/不宜接受任何手術治療既寵物

-鹿茸

預防和治療關節炎，或關節手術後補給調養能增強其身體免疫力，活化自身的免疫細胞，改善體質及精神狀態，加速傷患或手術後復原速度，重建關節和軟骨組織，減輕關節痛楚，增強活動力。
★適合輕微至中度關節問題及保健/不宜接受任何手術治療既寵物

-高量葡萄糖氨補給品

葡萄糖氨 - 剌激軟骨組織及關節液GAG的製造，對消炎藥所造成的傷害提供保護，補充下可幫助關節連接。
★適合嚴重關節問題

每種產品對每隻狗狗反應都不同，好難講邊隻好邊隻唔好，主人應該按狗狗情況同埋喂食難易度，幫佢地挑選合適既保健產品。
如果情況嚴重建議先睇醫生再作決定。