認識產品系列(二)

好多狗仔都有淚痕問題，其中貴婦、西施、摩天使等白色毛既狗狗會更明顯。狗狗淚痕明顯造型剪裝起上黎總有點美中不足。
淚痕係因為淚水中的一成份，會在毛髮中作用而氧化成 "啡色"， 出現淚痕。
主人可以用乾淨的生理鹽水常清潔淚痕位置，保持乾爽便可大大改善外觀。

引起淚水多背後有幾個主要原因，要仔細檢查眼睛後，才可找出治療的辦法!

原因：

1 - 鼻樑上的毛髮過長而刺激眼睛、眼睫毛倒生
2 - 眼簾內/外翻
3 - 鼻淚管阻塞
4 - 眼睛感染細菌

其實淚痕塞左係可以做手術既，但係通番幾個月之後又有可能塞番，何必要狗狗打麻醉針呢。
坊間有好多產品可以改善狗狗淚痕，內用外用都有。

內用：
選用一些含純天然植物萃出物成份既去淚痕粉，原理係植物萃出物具抗氧化及抗發炎的特性，
有助於減少鼻淚管內氧化物質的產生及堆積，為幫助狗狗消除或減輕難看且不健康的淚痕。
記得跟番產品標示既分量比狗狗食喔。

外用：
有D主人唔想狗狗食咁多野落肚，外用既產品都可以幫到你。
外用既產品應該購買無刺激並不含漂白劑、酒精等刺激物之清潔產品。

1 - 水劑
使用方法：先用紙巾將寵物眼部周邊既污漬輕輕擦除，再用去淚痕液將眼睛周圍的毛沾濕。
等待一段時間讓眼垢等污漬軟化後，再以棉花或毛巾輕輕擦拭。

2 - 粉劑
使用方法：用完水劑之後，再用棉花沾上小量去淚痕粉清潔淚痕。
淚痕粉過量可能會入眼，令狗狗淚水分泌得更多，會造成反效果。