寵友聚點

放假想同狗狗出去玩下，但一時又唔知可以去邊個公園，話你知22個狗友免費落腳點。

中西區

1、山頂花園
開放時間：24小時

2、中西區海濱長廊上環段
開放時間：24小時

東區

3、北角海濱花園
開放時間：24小時

4、鰂魚涌海濱花園
寵物公園特設佔地約2,500平方米。
開放時間：上午6時至晚上11時

灣仔區

5、大坑徑休憩處
開放時間：24小時

南區

6、鴨脷洲海濱長廊(寵物公園位於鴨脷洲海濱長廊的休憩處內)
開放時間：24小時

油尖旺區

7、油尖旺寵物公園
開放時間：上午7:00至凌晨12:00

九龍城區

8、九龍仔公園
開放時間：24小時

深水埗區

9、荔枝角公園第一期
開放時間：星期一至五下午3時至翌日上午7時；
星期六、日及公眾假期全曰4小時開放

10、蝴蝶谷道寵物公園
佔地7,000平方米
開放時間：上午6時至晚上10時

葵青區

11、長環街休憩花園
開放時間：24小時

12、賽馬會輿盛路遊樂場
開放時間：24小時

13、葵涌青山公路休憩處
開放時間：24小時

14、清譽街花園(設施:一個有蓋涼亭，有兩個狗糞收集桶及五個黃色垃圾箱)
開放時間：24小時

荃灣區

15、荃灣公園
開放時間：上午7:00至晚上11:00

16、深慈街遊樂場
開放時間：上午7:00至晚上11:00

17、和宜合道花園位置在和宜合道,近和宜合道變電站附近有一條行人天橋(近葵青區和宜合道運動場)
開放時間：24小時

沙田區

18、馬鞍山西沙路寵物公園

大埔區

19、廣福公園-犬隻公園
開放時間：24小時

北區

20、保榮路休憩處
開放時間：24小時

元朗區

21、市鎮公園北兒童遊樂場
開放時間：24小時

離島區

22、東涌北公園
開放時間：上午7:00至晚上11:00

簡單認識阿拉斯加雪橇犬、西伯利亞雪橇犬

阿拉斯加雪橇犬、西伯利亚雪橇犬，雖然個樣都似狼，但係犬種上兩種都有分別

西伯利亞雪橇犬（Siberian Husky）
阿拉斯加雪橇犬（Alaskan Malamute）

好多人認為哈士奇就代表雪橇犬，從學名來看其實哈士奇只係西伯利亞。

阿拉斯加，體型比西伯利亞大一個碼，成犬既分别可以從體型来看，以及阿拉斯加既尾巴，通常都係向上卷曲的，而西伯利亞就係下垂的。

兩者分别都不容易從幼犬身上分辨出，因為兩種都係雪橇犬，外型相同，同時都有雙層毛。可能要等幼犬大D先比較好判断，三個月大以上既幼犬，應該就睇得出阿拉斯加既骨架比西伯利亞更加粗壮。

一般人恐怕回答不出你問題，因為好多人根本唔知兩種雪橇犬既分別。

阿拉斯加及西伯利亞雪撬犬的差異

1、相同既地方

有很厚既被毛，耳朵直立，耳尖圓滑，耳壁厚，杏仁眼，背線平直。尾巴上都係軟毛，四肢有力，骨架都係粗壮、肌肉结實，身体平均。
腳趾和肉球之間都有豐富既毛。阿拉斯加雪橇犬及西伯利亚雪撬犬顏色都係纯白，红、黑、藍色都有。

2、相異既地方

就身材而言，阿拉斯加雪橇犬是屬於大型犬，而西伯利亞雪撬犬就係屬於中型犬。基本上阿拉斯加雪撬犬比西伯利亞雪撬犬平均肩高一般高出10cm左右，體重重约10kg左右。
就性格而言，一般認為阿拉斯加雪橇犬相對于西伯利亞雪撬犬更加敦厚名穩重，大多數西伯利亞雪撬犬都比較神經質，對任何人都非常熱情，誇張既程度經常都驚親人。

3、各特點比较

(1)體型：西伯利亞雪撬犬 — 中型；阿拉斯加雪橇犬 — 大型。

(2)眼睛：西伯利亞雪撬犬 — 棕色、藍色；阿拉斯雪橇犬加 — 只有棕色。

(3)毛色：西伯利亞雪撬犬 — 灰白，黑白，咖啡白；阿拉斯雪橇犬加 — 黑白和红白。

(4)毛質：西伯利亞雪撬犬 — 被毛較短，毛質較硬；阿拉斯雪橇犬加 — 屬於長毛，柔軟。

(5)耳朵：西伯利亞雪撬犬 — 雙耳間距較窄，耳尖弧度較小，似三角形；阿拉斯加雪橇犬 — 雙耳間距較遠，耳尖弧度大，成栗子形。

(6)額頭：西伯利亞雪撬犬 — 比較窄，額頭和眉間颜色分布有十字形，雙線型，兩點眉型；阿拉斯加雪橇犬 — 額頭眉間形状一般是美人尖型。

(7)尾巴：西伯利亞雪撬犬 — 放鬆時，尾巴自然下垂，較接近狼。興奮或奔跑時，尾巴上；阿拉斯加雪橇犬 — 尾根部粗壮，毛髮旺盛，卷曲，尾尖彎曲接近尾根。

(8)性格：西伯利亞雪撬犬是雖然友善、聰明，靈敏，活潑，但習性接近狼，善變、獨立；而阿拉斯加雪橇犬是敦厚，勇敢，忠誠，耐性十足。

(9)智商：在世界犬智商排名中，西伯利亞雪撬犬排名第45位，阿拉斯加雪橇犬第50位。

(10)起源：西伯利亞雪撬犬是狼和狗的雜交品種；阿拉斯加雪橇犬是由西伯利亞雪撬犬同本地的犬结合繁殖培养而成，有著西伯利亚雪撬犬既血统。

(11)產地: 西伯利亞雪撬犬產自亞洲西伯利亞，阿拉斯雪橇犬產自美國阿拉斯加。

正確挑選合識狗糧

市面上狗糧既品牌與種類眾多，應該點樣為愛犬挑選優良的狗糧呢？
千其唔好只係從包裝上既外觀來判斷，首先要先了解狗食既內容成分，出產地，製造方法。
最重要既係要觀察狗狗既進食狀況與食用後的各項身體狀況~

狗狗既主糧食主要分為三種，包括有乾糧、濕糧同埋生肉糧。

1 - 乾糧

乾糧 製造方法 分為三種，第一種就係傳統既高溫(400℃-500℃)烹煮攪碎再用機器壓成。
第二種係已低溫(95℃-120℃)烹煮，再用烘焙方式已成。
第三種係已脫水方式抽走食物既水份。
長期食用乾糧比起食用濕糧或生肉糧對狗既牙齒比例健康。

-高溫烹煮 
高溫快速加熱食物容易令食物既營養流失，乾糧同濕糧都會用到。
-低溫烹煮
相反低溫加熱就可以保持食物既營養，乾糧同濕糧都會用到。
-機器壓成
機器壓成既糧比較硬身，幫助狗狗磨牙。
-烘焙方式
低溫烘焙既糧比較趣身，適合唔多咬野既狗狗。
-脫水方式
用冷凍脫水方式抽走食物既水份加長保質期，乾糧同生肉糧都會用到。

2 - 濕糧

罐頭 製造方法 其實係先把食物放入錫罐內之後加熱。
由於要把熱力由錫罐外圍傳到中心，需要大量的時間才能煮熟位於中心的食物，在錫罐邊緣的食材會因此變成過熟，所以細罐加比大罐營養多D。
罐頭都有分肉醫同原粒肉，當然係原粒肉令主人安心D啦。

3 - 生肉糧

原塊生肉急凍，解凍後直接比狗狗進食。有人話食左生肉之後毛髮明顯變靚、牙齒變好同過敏減少。
但係接觸生肉有可能感染沙門氏菌、大腸桿菌等細菌，會給狗狗以及主人帶來危險。
如果只係比生肉狗狗食營養會唔均衡，所以不建議生肉做狗狗主糧。

★要注意狗糧的內容成分

1.標示

肉類蛋白質一定要標明為邊種肉類，如果只明為動物肉或家禽肉就不能接受。

2.未經處理過的全穀物(冇加工)

狗糧成分最好係未經處理過的全穀物、蔬菜及其他食物素材，因為未經處理過的食物中含有較多及較優質的營養及酵素。

3.肉類相關副產品

所有的肉類副產品如果作為狗糧中主要的蛋白質來源既話，都並非優質蛋白質，因此在選購上要特別注意是否為副產品。

4.灰質

注意狗糧中灰質，因為灰質成因係動物既骨頭，有D糧係原隻動物製成，進食大量灰質會令到狗狗生骨刺。

5.添加劑、防腐劑

優質既狗糧不能含有添加劑，人工防腐劑；人造色素；增甜素如糖漿、蔗糖之類，用以增加質素不佳的食物的口感。

★狗狗轉食糧要觀察既地方

1.大便型態變化

在兩星期穩定期後大便軟硬度、量和氣味應正常，有D適應力較弱的狗適應期較長，轉糧初期排便狀況會不理想，不要過早判定狗糧的適合程度，等1個月時間過後再下結論。

2.眼屎分泌情況

眼睛分泌物要正常，若身體健康前提下出現眼屎那麼要考慮係唔係餵食過量，例如牛肉配方的糧呢D熱量&脂肪比較高的糧，需要減少餵量直到正常。

3.狗狗口氣狀況

嘴巴唔應該有腥臭既味道。

4.狗狗體態變化

狗狗身體健康既前提下不可以出現突然或明顯消瘦情況，而如果狗狗體態短時間變肥胖就要減少餵食量。

★挑選優質狗糧好方法

1.餵食量不需多

優質犬糧含有較高的營養成分，且非常便於狗狗吸收，所以每次餵食量不需要很多，係每種犬糧包裝袋的用量表中可以眕到，並可以做相應比較。

2.適口性與體態

狗糧既適口性較好狗狗比較愛吃，而適口性可從狗狗對飼料的態度來判斷，如果狗狗唔鍾意食硬糧可以改食烘焙糧或濕糧。

3.皮膚毛髮良好

狗狗食用後不會出現皮膚發癢、乾燥、起皮屑等現象，應食用後毛髮應該光亮柔順。

4.保裝精美防朝

優質犬糧包裝精美而且使用的包裝是經專門設計製造的防潮袋。優質犬糧開袋後能問到自然的香味，寧聞者產生食慾。

★出產地

出產地都係挑選狗糧既條件之一，個人認為中國製同美國製都不太安全。
中國製就唔多講大家都明，可以睇番新聞美國製每一年至兩年都會有大牌子出事。
英國、加拿大同德國相對會比較好，由其加拿大出口監管比較嚴謹。

★任何情況都選擇天然糧

狗狗有時難免會生病，帶狗狗睇醫生既時候，獸醫總係會叫你買果兩隻大牌子既狗糧(H字頭同R字頭)都係中國製造。
其實呢兩隻牌子都係味精糧，同埋係連同動物內臟製成，係台灣証實左會食死貓狗。
唔係話D獸醫無良，只不過好小獸醫會研究邊隻糧好。
所以各位主人都係信自己，挑選合適既糧比愛犬啦。

狗狗食便便好頭痛啊！

古語有云：狗改不了吃屎，但係其實狗狗食便便係有原因有得改既。
好多新手狗爸狗媽都比狗狗食便便既問題搞到頭都痕，岩岩買狗BB番黎就有呢個問題，唔知點解又唔知點教。
狗狗食便便都有分生理上同心理上既，今日就同大家認識一下狗狗點解會食便便啦。

狗狗食便便既原因？

1 - 腸胃出問題
狗狗腸胃本身吸收出發問題，排出既便便含有未消化既食物，入面含有大量營養，所以狗狗會認為便便係食物就食左去啦。

2 - 食野太多太急
狗狗食野食得太快太多，腸胃都冇時間吸收，便便就會含有大量蛋白質、碳水化合物，狗狗咪會食番便便囉。

3 - 狗狗唔夠飽
一日得一餐食唔飽既情況下，狗狗唯有食番自己既便便啦。

4 - 不適當既處罰

主人對狗狗訓練不正確，例如：狗狗去錯地方便便，主人大聲鬧佢又冇指番一個正確既位置比佢，狗狗就會誤會主人唔比佢便便。狗狗為免比主人再鬧，便便完之後就食快速咁食番自己D便便啦。

5 - 模仿既行為

狗媽媽會幫貝狗舔屁屁，除左刺激小狗大小便時同時吃掉保守環境清潔，仲可以防上味道外泄，以免其他動物捕殺，呢個係母狗既天性。
小狗睇到母狗食便便，所以都有樣學樣離開左媽媽之後都會食便便啦。

6 - 引起主人既注意
有D狗狗如果覺得冇人理佢既話，就會做一D怪異既行為黎吸引其他人注意，食便便就係其中一樣啦。

7 - 變成習慣
狗狗食便便既行為長期冇修正解決，狗狗生理問題解決左，但係都食便便咁就有可能成了習慣啦。

★處理方法：

1 - 斷絕機會
狗狗大便完之後馬上清理，等佢冇機會再食到大便，如果主人出門時候，可能幫狗狗戴上口罩等佢食唔到大便。

2 - 喝止&及時阻止
狗狗食便便既時候要大聲喝止，喝止可以令狗狗嚇一嚇停止所有動作，呢個時候你就要清理便便。
如果狗狗已經食左便便，千萬唔好打佢同罰佢，因為狗狗唔會知你罰佢D咩。

3 - 引誘，讚美
以食物引誘狗狗，加上便便後既讚美，令佢忘記食便便。

4 - 便便中加入狗唔鍾意既味道
係狗便便加入辣、苦既味道，等狗狗唔再食便便

5 - 食用益生菌/食屎粉
狗狗如果係因為腸胃消化問題，可以食用狗用益生菌改善狗狗腸胃。
方間都有種產品叫食屎粉加入糧中食用，令狗便便有狗唔鍾意既味道。但係食落肚仔記得搵天然既......"

狗狗襯主人唔係屋企亂咬野，番到屋企如戰埸=口="？！

各位主人家中既狗狗，係咪有東咬西咬既問題呢？係咪對你乎造成不小困擾呢？要改善狗狗亂咬東西先要知道原因以及狗狗亂咬東西糾正方法，等各位主人可以幫狗狗對症下藥，解決狗狗亂咬東西既問題！

一、狗狗亂咬東西原因

1 - 狗狗換牙時期

主人岩岩買狗BB番屋企正正係換牙時期，通常6個月大既時候狗狗就會完成換牙。而呢段時間裏，屋企幾乎變成左狗狗同主人戰場，沙發、地毯，定係拖鞋/皮鞋，都會比狗狗用來磨牙，新手主人就黎比狗狗逼顛。

2 - 對物體陌生

由於狗狗是雜食動物，對所有物件都有咬或者可以話係食既傾向，而且好多行為都係必須靠嘴同牙齒來完成，因此當狗狗對某些東西發生好奇時，咬這個動作係狗狗既第一選擇，通過咬來辨識、熟悉物體。

3、營養不良引起

仲有一個可能就係因為營養不良，寄生蟲或缺乏微量元素等身體不適之原因引起。出現此類問題時，狗狗不但會亂咬東西，仲會有可能翻垃圾，所以主人一定要多加留意！

4、寂寞無聊導致

普遍養狗家庭都存在既問題。香港好多主人主都係上班族，一日陪狗狗玩既時間都只限於早晨同下班回家後既晚上，狗狗自己獨處既時間佔大部份。狗狗都會感到寂寞、好無聊，所以就會搵屋企既東西發洩一下。
嚴重既話可以導致分離焦慮症，到時真係難搞啦！

二、狗亂咬糾正方法

1 - 挑選適當玩具

限制狗狗活動既地方(房內)玩耍。用玩具比佢玩，例如牛皮骨頭、波波、毛公仔，自己狗狗最鍾意玩既玩具。增加出外面散步既時間及運動量，狗狗得到發洩就可以減小亂咬野既情況。

2 - 訓練方法

訓練時可以選用膠體延長線，或者電線，放係狗狗面前，然後主人躲起來，不讓狗狗發現。如果狗狗去咬既話，馬上現身說NO！，並且分開狗狗同電線。再把狗狗喜歡的玩具扔比佢。

建議每天進行這種練習，直到狗狗見到電線不敢咬為止。

一日幾次把鞋子放係地，幾尺外放上狗鍾意既玩具。狗狗對玩具更感興趣時，熱情地表揚佢。練習過程中把鞋和玩具放得越來越遠，觀察狗狗反應。通常幾個星期就可以改善。

改善狗狗咬傢私

一開始初訓練時，狗狗亂咬傢俱既時候，主人安靜地靠近狗，當狗狗全神貫注時，係佢既耳邊拍手並大聲說，NO！大聲震驚會令狗狗停下動作。
之後訓練時，當狗狗咬東西既舉動有所收斂的時候，要及時友好同熱切地稱讚狗狗，稱讚狗狗可以誘導佢、鼓勵佢。只要堅持一段時間，狗狗咬東西既習慣會明顯改善。

3 - 把鞋收藏好

把鞋子集中到鞋櫃裏，係鞋子裏噴上薄荷味既清新劑，薄荷味係狗狗不喜歡既氣味。

4 - 嚴肅大聲糾正

每次狗狗咬你既時候嚴肅大聲告訴狗狗唔可以，然後拍打狗狗嘴巴側面，注意唔好打到鼻子和耳朵以及頭部以下的任何部位。太重手狗狗會害怕，太輕力狗狗會以為你在跟他玩。

去寵物店後十大需要檢查既部位(十)

十.全身有冇吹乾

寵物店有時都有好忙既日子 例如:紅日假期，狗狗太多加上人手不足，有D美容師就會因為加快速度而令質素下降。美容過程中吹毛係要用大量既時間，每隻狗狗既毛質毛量都唔同，如果對所有狗狗都用同一種方法吹毛既話，效率自然就會差。
經驗不足既美容師吹到八成乾就交比主人，主人接番狗狗摸到都係仲有小小先乾就冇理會，或者冇檢查狗狗就走帶狗狗走。
其實吹唔乾會有可能令狗狗起皮膚，由其是香港呢D咁潮濕既地方。

1 - 有冇吹乾？

主人唔好意為狗狗都係仲有小小先乾就由佢，因為起皮膚果時就手尾長，所以記得檢查全身有冇吹乾，而美容師最易冇吹乾既位置就係 腳板底 & 耳仔。

美容師會忽略腳板底既原因唔係因為見唔倒冇吹到，而係吹完腳板底之後枱而仲係濕，狗仔踩番落去又濕哂。
美容師"吹左就算"冇再次檢查，所以腳板底就有機會仲係濕啦！

耳仔無論長毛定短毛既狗狗，只要耳仔有毛都係最難吹乾既地方！用強風吹水原理吹耳仔只會吹長大量既水，冇辦法快速有效咁完全吹乾。
極大部份既狗狗既末仔都係要吹走大量水份之後，再用熱風烘乾加上梳子既配合，先可以有效地完全吹乾既。

有冇吹乾對狗狗黎講係好重要咖，係香港最常見既病就係皮膚病。吹唔乾加上潮濕，狗狗就好容易起皮膚，皮膚病係要好長時間護理咖啦。

題外話 ：

如果主人會幫自己既狗狗沖涼的話，其實幫狗狗吹毛有兩大方法，知道左之後就可以更加快吹乾狗狗，狗狗就冇咁易凍親啦~"

一般黎講先會用吹水機(風機)先吹走大量既水份，如果狗狗係唔需要拉毛既話，可以用風機直接吹乾。
吹走完大量水份之後，就可以用風筒較熱風加上梳子梳理毛髮，用烘乾既方法黎吹乾狗狗。

- 點解要用兩種方法吹乾狗狗呢？

用兩種方法吹狗狗一來就係加快效率，如果只係用烘乾既方法，咁就實在吹太耐同埋如果長時間用烘乾方法會令狗狗皮膚乾燥。

二來用哂兩種方法就可以確保狗狗完全吹乾，如果只係用強風吹水方法，起初大既水份子好易被吹走，但係小既水份子就好難完全吹走，所以有時候就點吹都硬係濕濕地。

有D狗狗因為太多毛，要用呢兩種方法重覆交替咁吹先可以完全乾咖。

去寵物店後十大需要檢查既部位(八，九)

八，九. 腋窩及大腿內側

腋窩及大腿內側係好多最主人忽略檢查既地方，由其是腋窩位。
唔係嚇你！腋窩一但嚴重受傷機本上係沒法止血！
只要狗狗一走動腋窩位就會有郁動，沒辨法用止血粉或者藥膏止血。所以各位主人帶狗狗剷毛之後都係檢查下好D！

1 - 有冇剷損液窩及大腿內側？

腋窩係最容易剷損既位置之一，因為腋窩位只有薄薄一層皮，加上狗狗有好多毛阻擋美容師視線，所以好多心急又大意既美容師都會剷損。
腋窩亦都係最容易打結既位置，因為狗狗行路果時不斷摩擦而產生結，加上90%既主人都忽略左腋窩既毛冇梳到。

★檢查方法 把狗狗放到平地或桌上，張兩隻前腳拉高至狗狗直立，檢查腋窩及腳大

腿內側。

2 - 大腿內側發現紅點？

大腿內側發現紅點，但係又冇剷損？大腿內側同肚底一樣都係容易產生敏感既地方，為左狗狗好主人們要多加留意喔！

題外話 ：

其實好多主人都冇偷懶，經常幫狗狗梳毛，但係去到寵物店美容師硬係話狗狗好多結，咁就有可能係主人有D位忽略左啦。

1 - 腋窩
2 - 肚底
3 - 大腿內側
4 - 耳仔及耳根後面
5 - 頸
6 - 尾巴

1,2,3 - 腋窩、肚底及大腿內側都係主人忽略既地方，因為狗狗不會經常反肚比主人睇，睇唔倒就冇梳到啦。

4 - 耳仔及耳根後面都，耳根後面要特別推開耳仔先梳倒，係主人經常冇梳既位置。
5 - 頸位係因為狗狗長期戴住頸圈或者蚤帶，所以就冇梳到囉。
6 -主人梳哂成隻狗仔都已經好累，尾巴就被忽略lu

去寵物店後十大需要檢查既部位(六，七)

六，七. 肚底及肛門

1 - 肚底及肛門有冇剷毛？

一般來說肚底及肛門周邊既毛都會剷乾淨，一來因為肚底及肛門周邊既毛好易因為大小二便整污穢，二來剷肚毛可以幫狗狗有效散熱。
主人可以要求美容師剷狗狗肚底及肛門多與小，有D主人因為要易打理，所以會要求幫狗狗剷多D。有D主人因為美觀問題會要求剷小D，最好同美容師溝通清楚啦。

2 - 有冇剷損？

肚底及肛門是其中一個最易剷損既部位，因為有D狗狗過瘦或者生過狗BB既狗仔都會造成肚仔不平滑。美容師經驗不足或一時大意就會剷損。
如果輕微剷損既話，可以搽藥膏，但係如果嚴重就即刻睇醫生啦！

★檢查方法 把狗狗放到平地或桌上，張兩隻前腳拉高至狗狗直立，檢查肚底。

3 - 肚底及肛門有紅點？

狗狗剷完肚底及肛門既毛之後，發現肚底及肛門都有紅點，但係又冇剷損？咁你既狗狗就可能係電剷敏感，要同美容師反映番，下次唔好再剷啦。

題外話 ：

狗仔臭臭的原因？其中一項可能係肛門腺所引起的異味，身為狗狗最重要的家人，主人一定要認識狗狗的肛門腺，仲要定期清理，先可以降低狗狗飄出的異味，以及保護狗狗的健康喔。

幾耐先清一次肛門腺呢？

有D人話要一個月清一次，又有D話要兩周清一次。其實沒有一定的時間！但千萬唔好長期唔清肛門腺。其實是看狗狗的需求，
狗狗如果飄出異味，或是出現磨屁屁、想咬屁屁的舉動，主人不妨立即檢查狗狗的肛門腺是否出現腫大。

肛門腺位置，約在肛門下方的四點鐘與八點鐘方向，加小小力按住兩點向上擠壓，肛門腺入面既既分泌物就會走出黎。
(注意!超臭XD)

一般來說，小型犬比中大型犬更容易出現阻塞肛門腺的情形，因此小型犬的主人千萬不可以偷懶喔！

去寵物店後十大需要檢查既部位(五)

五. 眼睛

雖然狗狗一雙眼睛不及貓貓，但係一雙健康有神既眼睛會給狗狗增添許多靈氣，狗狗既眼睛有時候更加好似識講野咁，由其是求你比野佢食果時。
咁可愛點可以唔心軟，但係如果整親又點算好呢？

1 - 眼睛有冇毛？

狗狗剪完毛之後，有時候會有小許毛碎入左眼，令到狗仔會不斷"斬眼"或者有過多淚水分泌。
一旦發現時就要同美容師講，等佢可以幫狗仔清理番。
有時係屋企主人都會發現狗仔眼睛入左毛，因為狗狗時不時都會有掉毛情況，主人可以用水幫愛犬清洗。

2 - 眼睛有冇紅腫？

有冇試過美容後發現狗狗眼睛紅呢？
咁就有可能係沖涼果時洗毛液入左眼睛啦，只要幫狗狗滴番犬用眼藥水，過一陣就會有事啦。
但有時狗狗眼睛不單止紅左仲腫埋，主人應該向美容師了解情況。
因為眼睛紅腫除左對洗毛液敏感之外，更有可能係受到外力既撞擊，情況嚴重請快去睇醫生。

題外話 ：

淚線

好多狗狗都有淚線既問題，但係主人又唔知點幫愛犬清理。淚線形成係因為狗狗眼睛淚管塞左，睇醫生就一定話做手術通番去。
但係好多主人發現就算做手術通番，過幾個月又會有淚線既情況，姐係淚管又塞番WO。
其實方間都有幾種方法幫倒狗仔解決淚線既問題。

外用 - 可以用一D專門除去淚線既產品，但原來好多主人都用錯方法。
用法：先用綿花滴小許普通洗眼水，清理狗狗眼睛周圍既污垢，再用紙巾印乾眼睛周邊(由其淚線嚴重位於)，最後先用專門除去淚線既產品。

內用 - 有一些天然既粉狀產品，只要每天按分量加在食糧上，一星期左右就見效。

去寵物店後十大需要檢查既部位(四)

四. 關節及肌肉

狗狗美容後見倒主人因為係好興奮，但係有冇試過驚到唔敢郁，叫佢過黎又拐下拐下呢？

1- 狗狗跳枱？

百厭既狗狗係美容桌上可能會跳下來，如果主人知道狗仔有呢個情況，應該事先提醒美容師。
狗狗跳枱可大可小，因為有些狗關節天生比較弱(由其是小型犬)。小型犬從枱上跳落黎關節負擔為狗狗本身體重的４倍以上，所以狗狗好容易受傷。
美容房係幫狗仔沖涼既地方，有時難免有雜物或者地面濕滑，狗狗跳下來就有機會扭親同埋拉傷肌肉。
仲有一種情況就係，狗狗跳下既一刻美容師阻止但係失敗。狗狗會因而失平衡，有可能身體或頭落地，試想一下情況可以有幾嚴重！

檢查方法：放狗狗在地上走幾步就知有冇異樣，如果有異樣(例如左前腳走路時提起)咁你就要按一下每個關節位，不論大小關節都要。
每個關節輕按幾秒，睇下狗仔有冇痛楚既反應(宿手或吠叫)，有時可能只係扭親手指。如果狗仔行路拐下拐下情況過左一日都冇好轉，就應該帶佢睇醫生啦。

2 - 拉傷肌肉？

檢查關節狗狗都冇反應，咁就可能係拉傷左肌肉啦。
拉傷肌肉除左跳枱之外，受傷既原因仲有美容師拉扯狗狗。有些美容師唔識點控制狗狗，狗狗唔鐘意既時候就會反抗。
呢個時候有些美容師就會拉扯狗狗，拉扯既過程中狗狗肌肉就有機會受傷。

題外話 ：

常見關節疾病

關節問題是其中一種十分常見的犬隻疾病，不同大小的犬隻品種，所患的關節病症亦有所不同，犬髖關節發育不良症常見於大型犬隻，
大型犬隻多數既疾病都係關節犬髖關節發育不良。這種疾病會遺傳給下一代，因此要預防此疾病，建議繁殖沒有出現病徵的犬隻。

髖關節發育不良是指髖關節在成長時，支撐關節的原生肌肉跟骨骼的成長速度不一致，造成髖臼變淺，股骨頭變扁平，以致髖關節鬆動，股骨頭與關節窩的接合疏鬆。
鬆動的關節會不斷磨擦，最後或會因過度磨損而演變成急性關節炎或脫臼問題。

髖關節發育不良的犬隻會出現明顯的病徵。牠們在站立或走路時後腿呈外八字、拐行、走路姿勢異常，或以「兔仔跳」方式走路。
此外，由於關節痛楚，患病犬隻比起同齡犬隻較為文靜，走路或玩耍超過15分鐘便需要坐下來休息。
主人一不小心觸碰或輕拍到狗狗既後腿，牠們很可能會吠叫，甚或至咬主人。
若主人留意到狗狗出現相似的病徵，應盡快帶同狗隻到獸醫診所求診。
除左以上的髖關節發育不良症，您的狗隻亦有可能患上其他關節疾病，如膝蓋骨脫臼。其病徵與髖關節發育不良症相似，常見於小型犬品種。

方間都有好多保關節既產品，主人們在選用時，請注意所選購產品的成分，保養品的成分最好憬天然材質。想狗仔十幾歲都活活潑潑行得走得，咁就要多D注意關節問題啦！

去寵物店後十大需要檢查既部位(三)

三. 腳板

狗狗既腳板仔係接觸得地面最多既部位，萬一整親點算？整親咪行到彈下彈下心都痛埋。

1 - 腳板底毛係咪剷乾淨？

狗仔既腳板底毛係野外係有保護既作用既，但係寵物狗既腳板底毛就可能對佢地有壞處啦！
一般屋企都係既地下地磚或者木板，狗狗腳板底毛過長既話，跑起上黎就會有"漂移"既情況。

雖然睇落好趣至，但係狗狗會有機會扭親腳仔！所以腳板底毛一定要剷乾淨，如果唔剷乾淨過兩日又長番哂，咁剷黎有咩意思呢？

2 - 有冇剷損？

腳板底毛要剷乾淨，但係剷損左點算呢？通常腳板底都係剷損小小，只要止血即可，如果流血不止就要睇醫生啦。
有D狗仔既腳板底係會對電剷敏感，剷完之後會有紅色一點點。如果有以上情況就應該要求美容師唔好剷咁貼，或者用交剪剪腳板底毛。與大姆指拉開狗狗最外果兩隻腳指(不包括飛指)，食指再係狗腳面一頂。就可以清楚睇倒有冇剷損啦。

3 - 肉球有冇受傷？

★檢查方法 : 狗狗既腳板對住自己，再用自己既中指

(肉球受傷是最常見意外之一)
如果狗狗係去剪毛，咁就要檢查肉球有冇受傷啦！因為剪毛時唔係每一隻狗仔都係乖乖企定定既，美容師有可能大意剪到肉球。

肉球剪傷可以話係最難止血既部位，因為就算呢一秒用止血粉止血，但係狗仔一郁就會出血。只能說止血粉今次就不管用，止血粉用於肉球不但不能止血，仲會阻外醫生觀察傷口。

★正確處理肉球傷口既方法：先用寵物紅藥水清理傷口，再用一塊藥用棉墊墊係傷口下面，之後用砂布或繃帶圍圈包紮再送院聯針。

題外話 ：

肉球是否健康如何保健？

肉球既功能都不能忽視，有緩衝既效果不但防滑、消音仲係溫度調節既器官。現代既狗仔卻居住在大量人造物質的空間，造成肉球和腳受傷的機會大增！
健康既肉球係應該軟得黎有彈性，冇裂既情況；唔健康既肉球會過硬，同埋有裂痕。未經保養既肉球容易粗糙乾裂、受傷、發炎喔！
注意：當您牽著狗狗散步既時候，偶而會有需要強拉愛犬既情形。但係你強拉狗狗，加在狗肉球上的負擔為狗狗本身體重的 ３至５倍！

★肉球的保養：
坊間都有販售若干用來保養寵物肉球的產品，主人們在選用時，請注意所選購產品的成分。
最好是不要有添加任何化學物質、礦物油、酒精的產品。畢竟大部分的狗狗對於化學添加物比人類還敏感，況且喜愛含舔自己的腳掌。
保養品的成分若非天然材質，恐會對自己的寶貝寵物們造成另外一種健康上的傷害喔。

狗狗應否穿鞋？

夏天路面經過太陽的曝曬，又驚狗狗灼傷(路面可高達四至六十度)；冬天又驚狗狗凍親；落雨又怕污穢。
好多主人都會幫狗狗穿番隻鞋仔，但係挑選鞋仔都係好重要。
鞋仔大硬會令狗狗唔識行之外，仲會令狗狗扭親腳。
主人應該選擇用軟膠造既鞋仔，狗狗不但不會扭親，唔怕灼傷同凍親又乾淨。

去寵物店後十大需要檢查既部位(二)

好多主人接番狗狗後唔檢查就轉身走人，番到屋企先發現唔滿意/整親，打比寵物店又唔認數。
主人好應該每一次接狗仔既時候都要檢查一下，不論係幾相熟既寵物店都有出錯既可能性。
所以就係度同大家講下去寵物店後十大需要檢查既部位其中一個

二.

剪指甲對寵物狗黎講係必要的！
野外生活既狗狗，因為長期要獵食所以好多時候都係通處走。
佢地走既路多數都係凹凸不平既硬地，指甲長期磨擦令到指甲唔會生長到過長既程度。
寵物狗如果唔定期剪指甲，血管就會愈黎愈長，始終有一個都要"爆甲" 到時痛苦既又係你最心愛既狗狗。

1 - 狗狗既飛指唔記得剪？

每隻狗狗既構造都有唔同，大部份既狗狗後腳天生冇飛指；前腳既飛指有可能一出生就比繁殖家剪掉。
但係有d狗仔可能四隻腳都有飛指，美容師可能一時大意冇剪到。

題外話 : 飛指對寵物狗黎講已經係零用處，冇飛指既狗仔會更容易造型。但要留意，如果狗狗後腳有飛指，要提示美容師剷毛或剪毛既時候要特別小心！

2 - 指甲流血？

如果狗狗只係被剪損小小指甲，其實只係一個小問題，只要止左血唔再流就得啦。
但係如果美容師未經你同意就一次性剪太短，咁你就要向寵物店反映啦！所以身為主人既你都要檢查係咪已經止血。

3 - 指甲流血會痛？

冇錯！指甲流血會痛的確會痛，但係有指甲太長會令狗狗走路唔舒服，同埋長期係咁既話狗狗既腳形都會改變，美容師難以造型。
如果指甲再長既話會到插肉球，狗狗行每一步都好痛！

題外話 : 腳形改變例子 : 松鼠狗 - 既腳仔係可以剪出貓貓腳，但係因為指甲太長腳指就會散開，咁就做唔出靚既貓貓腳啦。

4 - 番到屋企先再流血？

狗狗番到屋企會開心周圍亂跑，指甲又再磨損流血。呢個時候屋企又冇止血粉，反回寵物店又太遠。
如果唔係同時間十隻一齊流血既話，你可以用手指按住狗狗流血既手指3-5分鐘。狗狗同人一樣都有血小板(凝血作用)，所以按到指甲冇再出血就可以啦。

-主人必須
其實只要有養狗就應該有止血粉！
除左以上情況要用到之外，難免狗狗係屋企有意外發生。如果狗狗受傷唔能夠及時止血，後果可大可小！
點解你會買300蚊一件狗仔衫著一年，點解唔會用80蚊買夠狗仔用一世既止血粉呢？難道你屋企一塊膠布都冇？

1,2,3,6 對本身沒攻擊性同熟識既狗仔都還可以，但係街見倒迫生狗狗就千其唔好啦"
4,5 會令狗仔覺得你有攻擊性同討厭，想同佢相處就難好多了!

人的緊張情绪會傳染比狗狗，所以和狗狗打招呼時記得要放松、面带微笑哦！
想摸迫生狗狗緊記先問主人~因為狗狗樣子可愛，但可能會因保護意識強攻擊你。
保護自己同時免得嚇親狗狗喔!

去寵物店後十大需要檢查既部位(一)

好多主人接番狗狗後唔檢查就轉身走人，番到屋企先發現唔滿意/整親，打比寵物店又唔認數。
主人好應該每一次接狗仔既時候都要檢查一下，不論係幾相熟既寵物店都有出錯既可能性。
所以就係度同大家講下去寵物店後十大需要檢查既部位其中一個

一.

耳仔係好容易忽略左既，好多寵物美容師整完之後都唔會再重新檢查。所以作為主人既你應該首先檢查耳仔啦！

1 - 有冇拔除耳毛?

大部份既狗仔都要拔耳毛既，基本上冇拔耳毛都好難可以清潔得耳仔乾淨。檢查方法好簡單，一望就知啦！

題外話 : 有d主人覺得拔耳毛好痛?
其實狗既毛髮唔係直接連係神經線，所以每次拔小量係唔會痛，但狗仔都會有感覺既。
錯誤方法 : 大量毛髮拉扯，拉到狗狗既皮膚先會令狗痛。

2 - 殘餘既耳毛粉?

檢查耳仔要先反開耳仔睇耳洞有冇殘餘既耳毛粉，點解會有殘餘既耳毛粉呢？
有可能美容師落得太多耳毛粉，雖然當刻清潔好。但耳毛有可能入左耳道內，沖完涼之後狗狗會fing水，連同耳道內既耳毛粉都fing埋出黎。美容師冇再重新檢查就會有殘餘既耳毛粉啦。

題外話 : 耳毛粉有咩用?
耳毛粉可以增加拔耳毛時摩擦力，更易拔出耳毛。
藥性耳毛少更加有止痛作用(用於發炎耳仔)

3 - 洗乾淨污穢野未?

每人都有犯錯既時候，一時唔記得都在所難免。如果發現叫番美容師清潔番就得啦。

如果你既狗狗有發炎既情況，清潔耳仔就變得好難既事啦。因為耳道會不斷分泌出奶白黃色或黑色既分泌物(黑色-耳道入水；奶白黃色-細菌感染)，所以好難完成清潔乾淨。
但係有冇清潔都可以睇得出既，嚴重既清潔完會小左好多分泌物。唔嚴重既會一樣清潔得乾淨，只不過有臭味同番到屋企會又有。可以帶埋藥叫美容師幫狗狗滴都得。(發炎耳仔需要每日清潔喔)

4 - 有冇剷損?

有d狗種係需要剷耳仔毛既，但其實耳仔係好容易剷傷既地方黎咖。
反開耳仔睇下有冇剷損，最容易整親既係耳仔周邊位置同內側 V 字位。
剷損耳仔雖然對狗狗生命冇太大即時影響，但係都需要入院逢針的，如果只係用止血粉止血之後唔理，耳仔有可以慢慢變黑壞死的。